Еңбек бейнесі

Кітапханашы — оқырмандарды таңғажайып мәдениет әлеміне жетелейді, білімге деген сүйіспеншілікті тәрбиелеп, мәдени дәстүрлерді сақтауға және дамытуға үлес қосады. Оның басты міндеттерінің бірі-адамға көмектесу, әлемді білу, ақыл-ойын жетілдіру, дүниетанымның көкжиегін кеңейту. Кітапхана – біздің рухани құндылығымыз, теңдессіз байлығымыз.

Людмила Николаевна Ведлер – Сарыкөл орталық кітапхана жүйесінің қызмет көрсету бөлімінің меңгерушісі. 1983 жылы Қостанай мәдени-ағарту училищесінің кітапхана бөлімін бітіріп, Урицк аудандық кітапханасында (қазіргі Н.К. Дәулетова атындағы Сарыкөл аудандық кітапханасы) еңбек жолын бастайды. 39 жыл еңбек жолында қарапайым кітапханашыдан аудандық кітапхананың қызмет көрсету бөлімінің меңгерушісіне дейінгі жолдан өтті. 2000 жылдан бастап «Шабыт» және 2002 жылдан бастап «Парасат» көркемөнерпаздар ақындар клубының жетекшісі. Сондай-ақ Людмила Ведлер «Поэты земли Сарыкольской», «Книга – золотое наследие страны» сияқты жобалардың авторы. Сонымен қатар ол 1920-1950 жылдардағы саяси қуғын-сүргін құрбандарын ақтау бойынша ақпарат жинау жетекшісі.

Кітапхана ісінде Людмила Николаевна жаңашылдыққа ұмтылады, оның жауапкершілік сезімі, жоғары құлшынысы, шығармашылық қиялы мен оптимизмі жоғары дамыған. Өзінің ой-өрісін және кәсіби өсуін арттыру үшін үнемі еңбектенеді. Кітапханадағы алғашқылардың бірі болып пайдаланушыларға қызмет көрсету бойынша кітапханалық процесті барынша толық және әр түрлі ұйымдастыруға көмектесетін инновациялық бағдарламаларды игерді. Өзінің білімі мен тәжірибесін әрдайым жас мамандармен бөліседі.

Кітапхананың бастауыш кәсіподақ ұйымы кәсіподағының белсенді мүшесі болып табылады. Қостанай облысының 75 жылдығына арналған электронды көрмелердің облыстық байқауына қатысты. Людмила Николаевнаның жайдары мінезінің және тіл тапқыштығының арқасында аудандық кітапхана ұжымы әрдайым тату, практикаға жұмыстың жаңа, қызықты түрлері енгізілуде. Людмила Николаевна – өте жақсы адам, сүйікті жар және үш немеренің қамқор әжесі.

Көп жылдық, жемісті және адал еңбегі үшін Людмила Николаевна бірнеше рет Құрмет грамоталарымен және алғыс хаттармен марапатталды.

#kasipodaqkz #profsoyuz #ЕңбекБейнесі