Еңбек адамы: кабель желілерін жөндеу және пайдалану бригадирі (электрмонтер) Бахтияр Өксікбаев

Мамандық таңдау адамның болашағын айқындайтын өте күрделі мәселе. Сондықтан бұған ерекше жауапкершілікпен қарау керек. Бахтияр Өксікбаевті электрмен байланысты мамандық жас кезінен бастап қызықтыра бастады.

Бақтияр Өксікбаев 2008 жылы М. Дулатов атындағы Қостанай инженерлік-экономикалық университетін техник — электромеханик біліктілігі бойынша тәмамдаған. 2015 жылдан бастап «Жітіқара коммунэнерго» МКК кәсіпорнында электр желілері мен қосалқы станциялар учаскесінде электрмонтер болып жұмыс істейді. Жұмысқа орналасу кезінде бірден бастауыш кәсіподақ ұйымының қатарына кірді.

2016 жылдан бастап кабель желілерін жөндеу және пайдалану бригадирі. Учаскеде жұмыс істеген кезеңінде өзін білікті маман ретінде көрсетті, ұжымда жастар арасында беделге және басшылық тарапынан құрметке ие.

Бақтияр Өксікбаев атап өткендей, электрик мамандығы оңай емес, кез келген ауа райында және түрлі жағдайларда жұмыс істеуге тура келеді. Бұл мамандық- шамдарды, розеткалар мен ажыратқыштарды ауыстыру ғана емес, сонымен қатар электр қалқандарын, трансформаторлық қосалқы станцияларды, жабдықтар мен станоктардың, электр беру желілерінің қуат бөлігін жоспарлы-профилактикалық, ағымдағы жөндеу.

Жобалар мен схемаларды оқи білу, жыл сайын электр қауіпсіздігі бойынша емтихан тапсыру, электр қондырғыларында қауіпсіз жұмыс істеу нормалары мен ережелерін білу, қорғаныс құралдары мен бақылау-өлшеу аспаптарын қолдана білу және тағы басқалар қажет. Біліктілікті арттыру курстарынан мезгілмен өту. Өз бетінше дұрыс шешім қабылдау қажет қиын жағдайлар бар.

Бақтияр Өксікбаевқа студенттер бекітілген, ол жұмыс барысында өз тәжірибелерімен және білімдерімен бөліседі.

«Электриктің жұмысы өте мұқият және жауапкершілікті талап ететінін есте ұстаған жөн. Біздің мамандығымыздағы ең маңызды нәрсе-қауіпсіздік ережелерін сақтау және мұқият болу», — деп бөлісті Бахтияр Өксікбаев.

Жыл сайын «Энергетика күні» кәсіби мерекесін мерекелеу қарсаңында Бахтияр Өксікбаев «Жітіқара коммунэнерго» МКК учаскесі мен кәсіпорнынан грамоталармен, дипломдармен және алғыс хаттармен марапатталады, олардың ішінде «Үздік бригадир», «Кабельдік желілерді жақсартуға қосқан үлесі үшін», «Үздік тәлімгер».