Кәсіподақтың балаларға қамқорлықпен қарауы

Қалыптасқан дәстүр бойынша «Құрылыс кешені және тұрғын үй-коммуналдық шаруашылық қызметкерлерінің салалық кәсіподағы» ҚБ Қостанай филиалы кәсіподақ мүшелерінің балаларына жазғы демалыс және олардың денсаулығын жақсартуды ұйымдастырды.

Биыл «Қостанай минералдары» АҚ қызметкерлерінің 100 баласы жолдамамен Денисов ауданының «Солнечный» балаларды сауықтыру орталығына аттанды. Бұл мүмкіндікті оларға жұмыс беруші мен «Хризотил» кәсіподақ комитеті ұсынды, олар жолдама құнының 70% — ын төлесе, ал қалған 30% — ын ата-аналар төледі.

Балаларға лагерьдегі атмосфера мен оқиғаға толы бағдарлама ұнады. Балалар жақсы демалып, денсаулығын нығайтты, жаздың жарқын күндерін пайдалы өткізді.