#ЖАҚСЫЛЫҚЖАСА қайырымдылық акциясы.

Қостанай облысының кәсіподақ орталығының «Келешек» жастар кеңесі #ЖАҚСЫЛЫҚЖАСА акциясы аясындағы іс-шараларын жалғастыруда.

Жастар мүшелерінің күшімен қаражат жиналып, азық-түлік және тұрмыстық химия өнімдері сатып алынып, аз қамтылған отбасына материалдық көмек көрсетілді. Кеңес төрағасы Қазыбаев Ерасыл мұндай көмектің басқа да кәмелетке толмаған балалары бар отбасылар мен студенттерге де көрсетілетінін атап өтті.

Басты мақсат – аз қамтылған және көп балалы отбасыларға қиын өмірлік жағдайлардан шығуға көмектесу. Қиын жағдайда қамқор болып, көмек қолын созу өте маңызды.