«Құқықтарды қорғауда 120 жыл!»

«БІЗДІҢ ТАРИХЫМЫЗ ЖӘНЕ ҚАЗІРГІ УАҚЫТЫМЫЗ …»

2025 жыл еліміздің Кәсіподақтары үшін ерекше жыл-кәсіподақ қозғалысының құрылғанына 120 жыл және ҚР Кәсіподақтар федерациясының құрылғанына 35 жыл.

Қостанай облысының Кәсіподақ қозғалысының тарихы күрделі және алуан түрлі. Облыстың кәсіподақ қозғалысының бастауы 1921 жылы кәсіподақтардың уездік съезін өткізуден басталады. Осы жылдары: Полиграфиялық өндіріс жұмысшыларының Кустанай губерниялық одағы, жер және орман жұмысшыларының Бүкілресейлік одағының Кустанай губерниялық бөлімі, ауыл шаруашылығы және орман жұмысшыларының  Кустанай губерниялық кәсіптік одағы құрылды. 1921 жылы кәсіподақ мүшелерінің жалпы саны 3892 болды. Кәсіби ұйымдарда 4 клуб болды, ал 1923 жылдың соңында Қостанайда оқу залы мен кітапханасы бар орталық кәсіподақтар клубы ұйымдастырылды.

Бірінші одақаралық конференция 1948 жылы өтті. Қостанай кәсіподақтарының қалыптасуының бастауында Ледянова Вера Фоминична, Андреев Сергей Иванович, Пермяков Михаил Александрович тұрды.

Кәсіподақтардың тарихи дәстүрлерін көбейткен көшбасшылардың бірі – Қостанай облысының Кәсіподақ қозғалысының тарихына алтын әріптермен жазылған ерекше адам- Брусник Дмитрий Яковлевич. Оның бастамасымен «Сосновый бор» шипажайы, Кәсіподақтар үйінің ғимараты, «Турист» қонақ үй кешені, кәсіподақтар мәдениет сарайы салынды.

30 жылдан астам облысымыздың кәсіподақ ұйымдарында жұмыс істеді Балбупе Ғалымжанқызы Ертаева. Аға әдіскерден Қостанай облысының кәсіподақ орталығының төрағасына дейінгі жол өтті. Кәсіподақтарда жұмыс істеген жылдары облыс пен Қазақстан Республикасының кәсіподақ қозғалысының дамуына елеулі үлес қосты.

Бүгінде Қостанай облысының Кәсіподақ орталығы 80 мың кәсіподақ мүшесін, 11 аумақтық салалық және жергілікті кәсіподақтарды, 850 бастауыш кәсіподақ ұйымдарын біріктіреді. Жыл сайын бұл сандар өсу үрдісіне ие. Барлық бастауыш кәсіподақ ұйымдарында ұжымдық шарттар жасалды-бұл кәсіпорындардағы әлеуметтік-еңбек қатынастарын реттейтін негізгі құжат.

Қазіргі жағдайда Кәсіподақтар федерациясы мен оның мүшелік ұйымдарының қызметі «әділеттілік пен дамудың бірлігінде» Стратегиясын жүзеге асыруға бағытталған, оның міндеті – кәсіби және әлеуметтік-еңбек құқықтарын, жұмысшылардың мүдделерін және олардың қауіпсіздігін ұжымдық қорғау. «Әрбір қызметкер — лайықты жұмыс және лайықты жалақы» тұжырымдамасын ілгерілету басым бағыттар болып қала береді.

Осы стратегиялық міндеттердің барлығын іске асыру қазіргі қоғамдағы еңбек адамының беделін нығайтады.