Қостанайда еңбек және әлеуметтік қорғау саласындағы өзекті мәселелер талқыланды

Қостанай қаласының әкімі Марат Жүндібаевтың төрағалығымен әлеуметтік әріптестік және әлеуметтік және еңбек қатынастарын реттеу жөніндегі қалалық үшжақты комиссияның отырысы өтті. Іс-шараға мемлекеттік органдардың, бизнес пен қоғамдық ұйымдардың өкілдері қатысты.

Отырыс әлеуметтік-еңбек саласының негізгі мәселелеріне арналды. Ақпараттық-түсіндіру жұмысы аясында келесі тақырыптар қаралды:

* қызметкерлердің еңбек құқықтарын қорғау;

* зиянды еңбек жағдайларында жұмыс істейтін адамдарға арнаулы әлеуметтік төлемдер енгізу;

* міндетті әлеуметтік сақтандыру жұмыс істейтін халықты әлеуметтік қорғаудың қосымша нысаны ретінде.

Еңбек жағдайлары мен әлеуметтік төлемдердің уақтылығына бақылауды күшейту мақсатында әлеуметтік әріптестік тараптарына жұмыс берушілер арасында тұрақты ақпараттық-түсіндіру жұмыстарын жүргізу ұсынылды. Өндірістік кеңестер құру, жұмыс орындарын аттестаттаудан өткізу, сондай-ақ еңбек қызметіне байланысты жазатайым оқиғаларды жасыруға жол бермеу мәселелеріне ерекше назар аударылатын болады.

Сонымен қатар, кәсіпорын басшыларына әлеуметтік төлемдер бойынша міндеттемелердің уақтылы және толық орындалуын қамтамасыз ету ұсынылды. Міндетті төлемдерді есептеуді және төлеуді жүзеге асыратын жауапты тұлғалар заңнаманың сақталуына дербес жауапты болуға тиіс.

Мұндай отырыстарды өткізу Қостанай қаласында әлеуметтік әріптестікті нығайту мен еңбек жағдайларын жақсартудың маңызды құралы болып табылады.