ҚАМЫСТЫ АУДАНЫНДАҒЫ ҚЫСТЫҚ СПАРТАКИАДА

16 қаңтар күні Қамысты ауданында «Қорғау» бастауыш кәсіподақ ұйымдарының мүшелері – білім беру қызметкерлері арасында II аудандық спартакиада өтті. Іс-шара педагогтерді, білім беру ұйымдарының басшыларын және кәсіподақ белсенділерін достық, командалық рух пен салауатты бәсеке атмосферасында біріктірді.

Жарысқа ауданның 8 мектебінің командалары қатысты: Адаев, Алтынсарин, Дружба, Қамысты №1 орта мектебі, Қамысты №2 орта мектебі, Қарабатыр, Клочков, Ливанов мектептері.

Қатысушылар волейбол, дартс, шахмат, үстел теннисі және арқан тарту спорт түрлері бойынша өзара бақ сынасты.

ЖАЛПЫКОМАНДАЛЫҚ ҚОРЫТЫНДЫЛАР:

1-орын — Қамысты №1 орта мектебі

2-орын — Қарабатыр орта мектебі

3-орын — Алтынсарин орта мектебі

Қатысушылар спорттық бастамаларды қолдап, жарысты жоғары деңгейде ұйымдастырғаны үшін «Қорғау» кәсіподақ ұйымына алғыстарын білдіреді. Жеңімпаздарды және барлық қатысушыларды құттықтаймыз!