ҚОСТАНАЙ ЖӘНЕ ЧЕЛЯБІ ОБЛЫСТАРЫНЫҢ КӘСІПОДАҚТАРЫ ЫНТЫМАҚТАСТЫҚТЫ НЫҒАЙТУДА

2026 жылғы 1 сәуірде Челябі қаласында теміржолшылардың Халықаралық кәсіподақтар конфедерациясының шекара маңы ынтымақтастығын дамытуға арналған стратегиялық сессиясы өтті. Оның аясында «Қостанай облысының Кәсіподақ орталығы» аумақтық кәсіподақтар бірлестігі мен Челябі облысы Кәсіподақтар федерациясы арасында ынтымақтастық және өзара іс-қимыл туралы келісімге қол қойылды.

Құжат екі өңірдің салалары мен кәсіпорындары деңгейінде әріптестік байланыстарды нығайтуға және кәсіподақ қызметін дамытуға бағытталған.

Келісімге «Қостанай облысының Кәсіподақ орталығы» аумақтық кәсіподақтар бірлестігінің төрағасы Ирина Аронова мен Челябі облысы Кәсіподақтар федерациясының төрағасы Олег Екимов қол қойды.

Келісімге қол қою рәсіміне Ресей Тәуелсіз кәсіподақтар федерациясының төрағасы Сергей Черногаев онлайн форматта қатысты. Ол бұл келісімнің халықаралық кәсіподақтық өзара іс-қимылды нығайту және әріптестік байланыстарды дамыту үшін маңыздылығын атап өтті.

Келісім бірлескен жұмыс үшін жаңа мүмкіндіктер ашады. Тараптар еңбеккерлердің еңбек құқықтарын қорғау саласында ынтымақтастықты дамытуға, бірлескен жобаларды іске асыруға, кездесулер, семинарлар мен конференциялар өткізуге, сондай-ақ кәсіподақ қызметінің негізгі бағыттары бойынша тәжірибе алмасуға ниетті.

Ирина Аронова тараптардың әріптестікті дамытуға, тәжірибе алмасуға және өңірлік деңгейде әлеуметтік диалогты нығайтуға өзара қызығушылығы бар екенін атап өтті.

Өз кезегінде Олег Екимов жүйелі бірлескен жұмысқа дайын екенін білдіріп, кәсіподақ ұйымдары арасындағы тұрақты өзара іс-қимылдың маңыздылығын атап өтті.

Келісімге қол қою шекара маңы ынтымақтастығын дамытудағы маңызды қадамға айналып, оған неғұрлым практикалық әрі мазмұнды сипат берді.