Жаңа Қазақстанды бірге құрамыз!

«Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіптік одағы» ҚБ Қостанай облыстық филиалы «Қостанай арнаулы әлеуметтік қызмет көрсету орталығы» КММ қызметкерлері үшін «Жаңа Қазақстан – жаңа Конституция» ақпараттық сағатын өткізді.

Бастауыш ұйымының төрайымы Күмісбике Нұрғалиева алдағы референдумның жалпыхалықтық маңызына және еліміздің негізгі Заңына ұсынылған түзетулерді зерделеуге кеңінен тоқталды.
Конституциялық реформалар елдің саяси және қоғамдық өмірінің барлық салаларын қамтиды, демократияландыруды жан-жақты дамытады, мемлекетті өзара басқару кеңейеді. Республикалық референдумға әрбір азаматтың қатысуы жалпыға бірдей тең тікелей және еркін ерік білдіру негізінде жүргізіледі.

Ұжым мүшелері, ал бұл әлеуметтік қызметкерлер, әкімшілік персонал, басшылық Мемлекет басшысының елдің өркендеуі мен оның болашақ дамуы үшін Қазақстанның әрбір азаматының референдумға қатысуы туралы бастамасын бірауыздан қолдады. Жаңа Қазақстанға бірге!