Құрметті металлургтер және қадірлі ардагерлер!

Сіздерді кәсіби мерекелеріңіз – Металлургтер күнімен шын жүректен құттықтаймын!

Бұл күн – өз кәсібіне адал, қиындықтан қаймықпайтын, өндірісте шыңдалған ұстамды жандарға құрмет көрсетілетін айрықша мереке. Металлургия қашанда отандық экономиканы алға бастаушы сала ретінде ерекшеленіп, еліміздің өнеркәсіптік қуатын арттырады.

Еліміздің металлургиялық өнеркәсібінің бастауында тұрған және алдыңғы буынның ізін жалғап келе жатқан Сіздерге мамандықтарыңызға деген адалдықтарыңыз бен өз істеріңізге деген жауапкершіліктеріңіз үшін алғыс айтамын.

Осындай мерейлі мерекеде Сіздерге зор денсаулық, баянды бақыт, отбасыларыңызға құт-береке, еңбектеріңізге жеміс тілеймін!