ӘЛЕУМЕТТІК ӘРІПТЕСТІК ЖЫЛЫНДА ОБЛЫСТЫҚ ҮШ ЖАҚТЫ КЕЛІСІМГЕ ЕНГІЗІЛГЕН ТОЛЫҚТЫРУЛАРҒА ҚОЛ ҚОЙЫЛДЫ

Осы жылдың 26 қазанында облыстың қалалары мен аудандары әкімдерінің — қалалық және аудандық үшжақты комиссиялардың төрағаларының қатысуымен әлеуметтік әріптестік және әлеуметтік және еңбек қатынастарын реттеу жөніндегі облыстық комиссияның кезекті отырысы өтті.

Отырыс барысында 2021-2023 жылдарға арналған қолданыстағы облыстық келісімге толықтырулар қабылданды. Жаңартылған құжатқа облыс әкімі Архимед Мұхамбетов, Кәсіподақ орталығының төрағасы Ирина Аронова және Кәсіпкерлік қызметке жәрдемдесу қауымдастығының директоры Валентина Шмонина қол қойды.

Құжат әлеуметтік әріптестік тараптарының еңбек және әлеуметтік міндеттемелерінің және облыс қызметкерлері үшін кепілдіктердің спектрін кеңейтетін ережелерді көздейді.

Облыстық келісімнің маңызды құрамдас бөлігі дұрыс және қауіпсіз жұмыс орындары болып табылады.

2022 жылғы 1 қазандағы жағдай бойынша облыста 82 жазатайым оқиға болды, оның 32-сі ауыр жағдай және 10 өлім оқиғасы орын алды.

Қауіпсіз еңбек жағдайларын қамтамасыз ету мақсатында келісімге өндірістік жарақаттану деңгейін жыл сайын азайту жөніндегі келісілген іс-қимылдарды әзірлеу; ұйымдарда еңбек қауіпсіздігі және еңбекті қорғау жөніндегі өндірістік кеңестер құру; қызметкерлерді оқыту, еңбек қауіпсіздігі және еңбекті қорғау мәселелері бойынша толықтырулар енгізілді.

Облыстық келісім ұйымдарда ұжымдық шарттарды әзірлеу кезінде негіз болып табылатыны маңызды. Кәсіподақтар ұжымдық шарттар арқылы еңбекақы төлеу жүйесін жетілдіру және жалақыны индекстеу мәселелерін белсенді түрде алға жылжытуда. Осылайша, әлеуметтік серіктестер Кәсіподақ орталығының ұсынысын қолдады және ұжымдық шартта немесе жұмыс берушінің актісінде белгіленген шарттарда жыл сайынғы жалақыны индекстеуге келісті.

Қосымша келісімде тараптардың әлеуметтік және еңбек қатынастарының тетіктерін жетілдіру жөніндегі өзге де міндеттемелері көзделген.