Қостанай облысы АКБ Үйлестіру кеңесінің отырысы

Осы жылдың 21 қазанында «Қостанай облысының Кәсіподақ орталығы» АКБ үйлестіру кеңесін өткізді. Кеңейтілген отырысқа салалық және жергілікті кәсіподақ ұйымдары филиалдарының төрағалары қатысты.

Қостанай облысы Аумақтық кәсіподақтар бірлестігінің төрағасы Ирина Аронова «Бірлік. Әділдік. Даму» Қазақстан Республикасы Кәсіподақтар федерациясының ынтымақтастық форумының қорытындылары туралы» ақпаратпен, «Қызметкерлердің әл — ауқатын арттыру жөніндегі шұғыл шаралар туралы» ынтымақтастық форумының қабылданған қарары туралы сөз сөйледі. Ол өз сөзінде: «Кәсіподақтар жұмысында біздің азаматтарымыздың әл-ауқатының өсуі маңызды болды және болып қала береді. Қазақстан Республикасының кәсіподақтар федерациясы ең төменгі жалақыны көтеру, оны айқындау әдістемесін әзірлеу және жыл сайынғы жалақыны инфляция деңгейінде индекстеу қажеттігі туралы мәлімдейді».

Үйлестіру кеңесінің қатысушылары Форумның жұмысына арналған Қазақстан Республикасы Кәсіподақтар Федерациясының Медиаорталығының арнайы шығарылымын тамашалады.

Кеңес отырысында Кәсіподақтар федерациясының 2022 жылғы 20 қарашада өтетін Қазақстан Республикасы Президентінің сайлауына байланысты ұстанымы талқыланды.

Талқылау барысында Үйлестіру кеңесінің мүшелері алдағы сайлауда Қасым — Жомарт Кемелұлы Тоқаевтың кандидатурасын қолдау бойынша сайлау кезеңіндегі іс-қимылдарды бірауыздан қолдады.

Үйлестіру кеңесінің мүшелері Орталық Азия елдері Кеңесі отырысының қорытындыларымен танысты.

Биыл Орталық Азия елдері кеңесінің бас хатшысы болып Қазақстан Республикасы Кәсіподақтар Федерациясының төрағасы Сатыбалды Дәулеталин сайланды.

«Senim» денсаулық сақтау жүйесі жұмыскерлерінің салалық кәсіптік одағы» РҚБ ҚОФ заңгері Александра Рыкова-Әлімбаева Алматы қаласында өткізілген «Әлеуметтік әріптестік — даму перспективалары» атты Республикалық конференциясының қорытындылары туралы» айтып берді.

Кеңес соңында барлық қатысушы форум қорытындысы бойынша әзірленген кәсіподақ қозғалысын дамыту бағыттарына ынтымақтаса қолдау білдірді.