«Ұжымдық шарт аясында» айдары  

Осы жылдың 27 қаңтарында пошта байланысының қалалық және аудандық тораптары бастықтарының қатысуымен Филиалдың басшылық құрамымен 2022 жылдың 12 айы қорытындысы бойынша кеңес өтті, сонымен қатар оқу сыныбында касса меңгерушілері үшін кейінгі тестілеумен касса операцияларын жүргізу нұсқаулығы бойынша оқыту өткізді.

Өткен кеңес пен оқыту аясында Пошта байланысы қызметкерлерінің кәсіподақ ұйымының төрағасы Нина Ефимова Кәсіподақ рөлі туралы баяндама жасап, 2023-2027 жылдарға арналған жаңа Ұжымдық шартпен таныстырды.

Ұжымдық шартқа өзгерістерді қарау барысында қызметкерлердің мүдделері ескерілген, өзгерістер өнімділікке, әл-ауқатқа, қауіпсіздікке, жұмысшылардың уәждемесіне, әлеуметтік тұрақтылыққа оң әсер етеді.

30 және одан да көп жыл үздіксіз жұмыс өтілі бар қызметкерлер үшін зейнеткерлік жасқа толған және еңбек шарты бұзылған жағдайда үш орташа айлық жалақы мөлшерінде біржолғы жәрдемақы төленетін болады, бұрын бұл тармақ болмаған.

Еңбек шарты бұзылған кезде 1 немесе 2 топтағы мүгедектігі бар филиалдардың қызметкерлері үш орташа айлық жалақы мөлшерінде біржолғы жәрдемақы алатын болады, бұған дейін бір орташа айлық жалақы болған.

Өндірістік жарақат алған немесе еңбек міндеттерін орындау кезінде ауырған қызметкерлердің мүдделері ескерілді, ол бойынша жұмыскерлерге орташа жалақының кемінде 100% төлене отырып жұмыстан босатылады, жұмыскер өзінің жұмысқа қабілеттілігін қалпына келтіргенге дейін не оған мүгедектік немесе кәсіптік еңбекке қабілеттілігінен айырылу белгіленеді. Бұрын жұмыскерлердің осы санатына орташа жалақының кемінде 50% төленетін.

Жалпы алғанда, қаралған Ұжымдық шарт қызметкерлердің мүдделерін жақсартады.