КӘСІПОДАҚТЫҢ КӨМЕГІ

Бір апта бойы  бүкіл Қазақстан алаңдатарлық жаңалықтарға толы — Қостанай облысын қоса алғанда, өңірлерде-күрделі су тасқыны жағдайы. Табиғи апат адамдарды да, жануарларды да аямайды, малға толы қоралар, ғимараттар және тағы басқалар су ағынының астында қалуда.

Еліміздің барлық бей-жай қарамайтын азаматтары ортақ қиыншылықтың төңірегіне жиналды. Еріктілер мен құтқарушылар тәулік бойы жұмыс істейді, ал адамдар жинау пункттеріне қажетті заттарды әкеледі.

Біздің әріптестеріміз де  қиын жағдайға тап болды — Қамысты ауданы Алтынсарин ауылында «Қорғау»ҚБ кәсіподақ мүшелерінің тұрғын үй жағдайлары зардап шекті.

Қамысты ауданының Алтынсарин жалпы білім беретін мектебінің бастауыш кәсіподақ ұйымының төрағасының қолдаухаты негізінде -ұстаздар Салықбаев Марат Зарлықұлы мен Тұрғалиева Азиза Қуанышқызының су тасқыны мен су басу салдарынан жартылай бүлінген тұрғын үйді (мүліктің, жиһаздың, еден  жабындарының бүлінуі және т.б.) қалпына келтіруге материалдық көмек бөлінді.

Біз аймақтағы жағдайды мұқият қадағалап отырамыз және  қиын жағдайға тап болып, зардап шеккендерге белсенді түрде көмектесіп жүрген: 4 тоқсанның басында мектеп оқушыларына кеңсе керек-жарақтарын сатып алып,отбасыларына  киім мен  азық-түлік өнімдерін жеткізген кәсіподақтағы барлық әріптестерімізге алғыс айтамыз. Әріптестер,  үлкен рахмет, қиын сәттерде — біз бір үлкен отбасымыз!