Қазақ әдебиетінің негізін қалаушы Бейімбет Майлиннің туғанына 130 жыл.

Биылғы жыл маңызды тарихи оқиғамен – қазақ әдебиетінің негізін қалаушы Бейімбет Майлиннің туғанына 130 жыл толуымен атап өтілді. Аудан орталығында, Әйет ауылында «Бейімбет Майлин-өлкеміздің мақтанышы» атты мерекелік концерт өтті. Іс-шараға жазушының туыстары, шығармашылық зиялы қауым өкілдері қатысты. Аудандық мәдениет үйінде жиналғандарды атақты жерлестің туындылары бойынша инсталляциялар, сондай-ақ облыстық және аудандық өлкетану мұражайларының кітап және фото деректі көрмелері күтіп тұрды.

«Мәдениет, спорт, туризм және ақпарат қызметкерлерінің Қазақстандық салалық кәсіптік одағы» ҚБ Қостанай облыстық филиалының төрағасы Светлана Темеркановна Құлжанова құттықтау сөз сөйледі.

Сондай-ақ, Светлана Темеркановна Қостанай қаласындағы Ахмет Байтырсынұлы атындағы университетінде өткен Б.Майлинге арналған ғылыми-теориялық конференцияға қатысты. Іс-шаралар Рудный қаласында да жалғасты, онда төраға Бейімбет Майлиннің 130 жылдығына орай қаланың тұрғын үй кешендерінің бірінде муралдың ашылуына қатысты. № 4 гимназия мектебінде режиссер Саламатов Даниярдың қатысуымен «Талақ» фильмінің көрсетілімі және гимназия оқушылары ойнаған спектакльдің көрсетілімі өтті. Сондай-ақ, еліміздің түрлі қалаларынан келген Б.Майлиннің туыстардың қатысуымен дөңгелек үстел өтті. Б. Майлин қорының ұйымдастырушыларымен де кездесулер өтті.

Іс-шаралар Қостанай облыстық филармониясының және Б.Майлин ауданы мәдениет үйінің шығармашылық ұжымдарының мерекелік концерттік бағдарламасымен аяқталды.