ҚРКФ атқару комитеті еңбек қауіпсіздігі және еңбекті қорғау жөніндегі өндірістік кеңестердің жұмыс мәселелерін қарады.

2024 жылғы 20 қарашада Қазақстан Республикасы Кәсіподақтар федерациясының төрағасы Сатыбалды Дәулеталиннің басшылығымен ҚРКФ атқару комитетінің кезекті отырысы өтті.

«Қостанай облысының Кәсіподақ орталығы» АКБ төрағасы Ирина Аронова Қостанай облысындағы еңбек қауіпсіздігі және еңбекті қорғау жөніндегі өндірістік кеңестердің жұмыс тәжірибесі туралы баяндады.

Бүгінде кәсіподақ ұйымдары жұмыс істейтін Қостанай облысының кәсіпорындары мен ұйымдарында 302 өндірістік кеңес құрылды, онда еңбекті қорғау жөніндегі 513 техникалық инспектор жұмыс істейді. 2023 жылы техникалық инспекторлар 4 133 тексеру жүргізді, 12 698 еңбек қауіпсіздігі талаптарын бұзушылық анықталды, оның ішінде жұмыс берушілер 99% — жойылды.

Үздік техникалық инспекторларды кәсіподақ комитеттері, сондай-ақ жұмыс берушілер көтермелейді, «Еңбекті қорғау жөніндегі үздік техникалық инспектор»байқауы  ұйымдастырылды. Мысалы, «2023 жылғы Кәсіподақтар федерациясының еңбекті қорғау жөніндегі үздік техникалық инспекторы» республикалық конкурсының қорытындысы бойынша:

— Зубченко Лариса Николаевна — «Успенское» ШҚ еңбекті қорғау жөніндегі техникалық инспекторы; — Штукерт Владимир Владимирович — «Қостанай минералдары» АҚ еңбекті қорғау жөніндегі техникалық инспекторы жеңімпаз атанды.

Облыстың кәсіподақ ұйымдары еңбекті қорғау мәселелері бойынша 26 семинар өткізілді.

Өндірістік жарақаттану деңгейін төмендету және еңбек жағдайларын жақсарту мақсатында жұмыс орындарында облыстың барлық қалалары мен аудандарының жұмыс берушілерімен және қызметкерлерімен кездесулер өткізілді. Өкінішке орай, біздің күш — жігерімізге қарамастан, ағымдағы жылдың есепті кезеңінде Қостанай облысының аумағында өндірістік қызметпен байланысты 70 жазатайым оқиға тіркелді (2023 жылы – 71), онда 77 адам зардап шекті (2023 жылы — 77). Өндірістік жарақаттанудың кәсіподақ мониторингі көрсеткендей, 70 жағдайдың 20-сы кәсіподақтардың қатысуымен кәсіпорындарда болған.

«Жалпы алғанда, өндірістік жарақаттану фактілерінің алдын алу және азайту жұмыстары жалғасуда және кәсіподақтардың тұрақты бақылауында», — деп атап өтті Ирина Аронова.