«Дені саудың – жаны сау»

Тәуелсіздік күні қарсаңында «Қостанай облысының Кәсіподақ орталығы» АКБ Тобыл қаласындағы «Астана» спорт кешенінің базасында аумақтық құрылымдар өкілдері — Қостанай облысының салалық және жергілікті кәсіподақтары арасында екінші облыстық спартакиада өткізді.

Облыстық спартакиада кәсіподақ мүшелері арасында салауатты өмір салтын дамыту және насихаттау, бос уақытты ұйымдастыру және спорттық дәстүрлерді нығайту, оларды жүйелі спортпен шұғылдануға тарту, салалық және жергілікті кәсіподақтар арасында мықты командаларды анықтау мақсатында өткізілді, сондай-ақ әйелдерге қатысты зорлық-зомбылықты жою үшін халықаралық күрес күніне арналды.

Салтанатты ашылу рәсімі барысында кәсіподақ орталығының төрағасы Ирина Аронованың сөзінше: «Спартакиадаға қатысу-бұл салауатты өмір салтын қалыптастырудағы өзінің белсенді өмірлік ұстанымы, алға жылжуға және алға қойған мақсатқа жетуге деген ұмтылысы».

Спорттық жарыстар спорттың 3 түрінен өтті: армрестлинг, үстел теннисі және волейбол. Жеке есепте жарыстың барлық жеңімпаздарына құрмет грамоталары мен медальдар табыс етілді.

Спартакиада қорытындысы бойынша III жалпы командалық орынды Қостанай облысы бойынша «Ақпарат, коммуникациялар және байланыс қызметкерлерінің салалық кәсіптік одағы» ҚБ филиалының командасы иеленді; II жалпы командалық орынды «Құрылыс кешені және тұрғын үй-коммуналдық шаруашылық қызметкерлерінің салалық кәсіптік одағы» ҚБ Қостанай облыстық ұйымы» филиалы иеленді; бірінші жалпы командалық орынды «Қостанай облысы білім және ғылым ұйымдары қызметкерлерінің жергілікті кәсіптік одағы» ҚБ иеленді», сондай-ақ ол Қостанай облысының АКБ өтпелі Кубогының иегері атанды.