Өмірлік емтихан…

«Қызмет» салалық кәсіподағының Қостанай облыстық филиалы кәсіподақ белсенділері «Еңбек адамдары» айдарындағы жауапты қызметкерлер туралы әңгімелеуді жалғастыруда және бүгін өмірін балаларға арнаған батыл әйел Наталья Николаевна Попова туралы баяндайды.

Еңбек жолын мектепте тарих пәнінің мұғалімі болып бастаған. Бірақ ішкі сезімі бойынша, жүрек әмірімен ол адамдарға көмектесуге тырысты. 2004 жылы мүгедек балаларға арналған арнаулы әлеуметтік қызметтер бөлімшесіне жұмысқа орналасты.

Әлеуметтік қызметкер ретінде жұмыс істей отырып, Наталья Николаевна бұл мамандық анықтауышының сапасы — махаббат екенін түсінді: мүмкіндігі шектеулі балаларға сүйіспеншіліксіз бұл салада табысқа жету екіталай; бұл мамандық күнделікті қажырлы еңбекті қажет етеді; оптимизмсіз ерекше баланың мүмкіндіктеріне сену өте қиын. 2006 жылы әлеуметтік жұмыс бойынша кеңесші бола отырып, сол бөлімде балалармен сабақ ұйымдастыру тәжірибесін қалдырған жоқ.

Наталья Николаевнаның бастамасымен құрылған «Цветик-семицветик» клубы балалар мен олардың ата-аналарына бос уақыттарын қызықты және шығармашылықпен өткізуге, қалалық іс-шараларға қатысуға мүмкіндік берді.

Әлеуметтік салада жұмыс істеген жылдары Наталья Николаевна басқаларға көмектесіп, өз біліктілігін үнемі арттырып, конкурстарға қатысып, оның еңбегі жоғары бағаланды: Министрліктің, Қостанай облысының жұмыспен қамтуды үйлестіру және әлеуметтік бағдарламалар басқармасының басшысы, қала әкімінің, Рудный қаласының жұмыспен қамту және әлеуметтік бағдарламалар бөлімінің басшысы, «Рудный аумақтық әлеуметтік қызмет көрсету орталығы» КММ директорының грамоталары мен алғыс хаттарын алды.

Қазіргі уақытта Наталья Николаевна Попова  Рудный қаласы әкімдігінің «Рудный аумақтық әлеуметтік қызмет көрсету орталығы» КММ директорының әлеуметтік жұмыс жөніндегі орынбасары болып жұмыс істейді және біздің кейіпкеріміз айтқандай: «Менің әлеуметтік саладағы жұмысым — бұл адамгершілік пен төзімділікке, адалдыққа өмірлік емтихан сияқты».