КҮН ТӘРТІБІНДЕ — «КЕЛЕШЕК» ЖАСТАР КӘСІПОДАҚ ҚОЗҒАЛЫСЫНЫҢ КӨШБАСШЫЛАРЫ

Қазақстан Республикасы Кәсіподақтар федерациясы кәсіподақтардың жастар саясатын күшейту және жандандыру жөніндегі жүйелі жұмысқа ерекше назар аударады.

19 мамырда Астана қаласында өткен Орталық Азия елдері кәсіподақтар кеңесінің отырысында жастар саясаты саласындағы басым бағыттар талқыланды. ОАЕКК-не қатысушы елдер кәсіподақтарының жас мүшелерінің тиімді өзара іс – қимылын жандандыру ретінде кеңес шеңберінде Жастар құрылымын-ОАЕКК Жастар кеңесін құру ұсынылды. «Бүгінгі таңда біздің елдеріміздің Кәсіподақтары үшін заманауи жастар саясатының негіздерін анықтау және елдеріміздің үкіметтеріне нақты Жолдаулар ұсыну маңызды: жастарды әлеуметтік қолдау, жастардың жұмыспен қамтылуы, лайықты еңбек жағдайлары және жас қызметкерлердің лайықты жалақысы. Бұл мәселелерді біз ОАЕКК Жастар кеңесі аясында ілгерілетуге ниеттіміз», — деп түйіндеді ҚР Кәсіподақтар федерациясының төрағасы Сатыбалды Дәулеталин.

Осы бастамалардың барлығы Қостанай облысының «Кәсіподақ орталығы» АКБ ұйымдастырған «Келешек» жастармен жұмыс жөніндегі кеңестің отырысында талқыланып, қаралды.

Кеңестің жұмыс отырысын «Қостанай облысының Кәсіподақ орталығы» АКБ төрағасы Ирина Аронова ашты. «Бүгінде жастарды қолдауға бағытталған бірқатар бағдарламалар бар, мысалы, жұмыс істейтін жастарға арналған жалға берілетін тұрғын үй, жастар практикасы, «Дипломмен — ауылға!. Осыған байланысты жастармен жұмыс істеудің жаңа тәсілдері қажет.

«Келешек» жастар кеңестеріне жаңа трендтер ұсынылады, атап айтқанда «Болашақ бүгіннен» жобасы (бүгіннен бастап болашақ) ұсынылады, оның шеңберінде әртүрлі жоғары оқу орындары мен колледждердің студенттеріне болашақ мамандықтары мен жұмыс орындарын көрсету мақсатында экскурсиялар өткізілетін болады. Студент жастармен белсенді іс-шаралар өткізу және оларды одан әрі кәсіподақтарға мүшелікке тарту жоспарланады. Жастар кеңесі жастар арасынан кәсіподақтың ең белсенді мүшелерін анықтау бойынша тереңдетілген жұмыс жүргізетін болады, әлеуметтік желілерде «Менің жұмысым-менің жетістігім!» челлендж конкурсы, экологиялық жобалар іске асырылатын болады», — деп атап өтті Ирина Аронова.

Бүгінгі отырыс бағдарламасына қатысушылар «Damu.kst » жастар бірлестігі ұйымдастырған тренингке қатысты. Тренинг кәсіподақ жастарын біріктіруге және тиімді командалық өзара іс-қимыл құруға бағытталған.

«Бірігу – бұл команда үшін нақты мақсаттар мен міндеттерге қол жеткізу үшін біртұтас болу мүмкіндігі», — деп атап өтті «Грин» облыстық ресурстық орталығының волонтерлер жасағының басшысы Юрий Вагин.

Отырыстан кейін «Келешек» кеңесінің мүшелері «Пригородное орман шаруашылығы мекемесі» БПҰ-ға барып, Өңірді көгалдандыру жөніндегі бағдарламаны іске асыру үшін тәлімбаққа практикалық көмек көрсетті.

Қатысушылар Кеңестің бұл форматы қызықты әрі ерекше болғанын атап өтті.