КӘСІПОДАҚ «ҚОРҒАУ» АКТИВТІҢ ҚҰҚЫҚТЫҚ БІЛІМІН АРТТЫРУДА

2026 жылғы 20 сәуірде Қостанай облысының Кәсіподақ орталығы мен «Қорғау» білім және ғылым қызметкерлерінің Қостанай облыстық кәсіподағы бірлесіп «Келісу комиссиясында еңбек дауын шешу тәртібі» тақырыбында онлайн-семинар өткізді.

Іс-шараға Камысты ауданының келісу комиссияларының мүшелері мен бастауыш кәсіподақ ұйымдарының төрағалары қатысты. Қашықтан өткізу форматы кең аудиторияны қамтып, қатысушылардың белсенді қатысуына мүмкіндік берді.

Семинарды «Қорғау» облыстық кәсіподағы ұйымының төрайымы Валентина Рахимжановна Кушетерова ашты. Ол өз сөзінде кәсіподақ активінің құқықтық сауаттылығын арттыру қызметкерлердің еңбек құқықтарын тиімді қорғаудың маңызды шарты екенін атап өтті.

Оқу бағдарламасы аясында Кәсіподақ орталығының заң клиникасының меңгерушісі Асет Талғатович Исмагамбетов сөз сөйледі. Ол келісу комиссиясының құқықтық табиғатын — жұмыс беруші мен қызметкерлер өкілдерінің тең саны негізінде құрылатын, міндетті түрде тұрақты жұмыс істейтін орган екенін жан-жақты түсіндірді. Сондай-ақ комиссияны қалыптастыру тәртібі, жеке еңбек дауларын қарау мерзімдері, шешім қабылдау рәсімі және олардың орындалуының міндеттілігі туралы айтылды.

Семинар сұрақ-жауап сессиясымен аяқталып, қатысушылар еңбек заңнамасын іс жүзінде қолдану бойынша түсіндірмелер алды.

Кәсіподақ активінің құқықтық сауаттылығын арттыру кәсіподақ ұйымдары қызметінің негізгі бағыттарының бірі болып қала береді.