МИНСК ҚАЛАСЫНДА ЕҢБЕКТІ ҚОРҒАУ МӘСЕЛЕЛЕРІ ТАЛҚЫЛАНДЫ

2026 жылғы 13–14 сәуір күндері Беларусь Республикасының Минск қаласында еңбекті қорғау бойынша халықаралық семинар өтті.

Оған Қостанай облыстық құрылыс кешені және тұрғын үй-коммуналдық шаруашылық қызметкерлері салалық кәсіподағы филиалының делегациясы қатысты. Делегацияны филиал төрағасы Хайдар Жабықбаевич Камбаров басқарды.

Семинар құрылыс-монтаж жұмыстары кезінде еңбекті қорғау саласындағы заманауи әдістер мен тәжірибелерге, сондай-ақ құрылыс саласында заңнаманың сақталуына қоғамдық бақылауды дамытуға арналды.

Іс-шара барысында қатысушылар «Минскстрой» МБҰ еңбекті қорғау орталығындағы оқыту тәсілдерімен танысып, қауіпсіздік саласындағы озық шешімдер іс жүзінде қолданылатын құрылыс нысандарын аралады.

Пленарлық отырыста Қазақстан Республикасынан «Қостанай минералдары» АҚ еңбек қорғау, өнеркәсіптік және экологиялық қауіпсіздік департаментінің директоры Ильдар Мухарамович Семиндеров сөз сөйледі. «Әлеуметтік әріптестік – қауіпсіздіктің негізі: қоғамдық бақылау мен корпоративтік сауықтыру бағдарламаларының синергиясы» атты баяндамасында кәсіпорынның практикалық тәжірибесі ұсынылды.

Қатысушылар еңбек қорғау қызметі, өндірістік кеңес және кәсіподақтың қоғамдық инспекторлары арасындағы өзара іс-қимылға ерекше назар аударды. Мұндай модель еңбек жағдайларын жүйелі бақылауды қамтамасыз етіп, жұмыс орындарындағы қауіпсіздік деңгейін арттыруға мүмкіндік береді.

Жұмысшылардың денсаулығын сақтау мәселесіне де ерекше көңіл бөлінді. «Қостанай минералдары» АҚ-да жүзеге асырылып жатқан бағдарлама медициналық сүйемелдеуді, оңалтуды және әлеуметтік пакетті қамтиды. Бұл жұмыс беруші мен қызметкерлер арасындағы ашық диалог мәдениетін қалыптастыруға, сондай-ақ кәсіподақтың белсенді қатысуына ықпал етеді.

Семинарда атап өтілгендей, қызметкердің қауіпсіздігі тек мамандардың ғана емес, сонымен қатар қоғамдық инспекторлардың да бақылауында болып, кәсіпорын оның денсаулығы мен әл-ауқатына инвестиция салған жағдайда, еңбекке деген жауапкершілік және еңбекті қорғау талаптарын сақтау деңгейі артады.

#profsoyuz