Құрылысшыларды кәсіби мерекелерімен құттықтады.

Бүгін 2022 жылдың 11 тамызында «Құрылыс кешені және тұрғын үй-коммуналдық шаруашылық жұмыскерлерінің салалық кәсіптік одағы» ҚБ филиалы «Құрылысшылар күні» кәсіби мерекесіне арналған салтанатты іс-шара өткізді.

Іс-шараға «Қостанай облысының Кәсіподақ орталығы» АКБ төрағасының орынбасары Әсет Исмағамбетов қатысты. Ол қатысушыларға адал еңбегі, кәсібилігі үшін алғыс айтып, құрылыс саласының үздік қызметкерлерін Құрмет грамоталарымен марапаттады.

Құрылыс кешені және тұрғын үй-коммуналдық шаруашылық қызметкерлерінің салалық кәсіптік одағының облыстық филиалының төрағасы Хайдар Қамбаров ерекше көзге түскен қызметкерлерді мақтау қағаздарымен және бағалы сыйлықтармен марапаттады.

«Сіздің мамандығыңыз ең құрметті мамандықтардың бірі. Экономиканың қарқынды дамуы мен әлеуметтік инфрақұрылымның нығаюы құрылыс саласы мамандарының қызметіне байланысты», — деп атап өтті Хайдар Жабықбайұлы.

Төраға барлығына мықты денсаулық және жақсы көңіл-күй тіледі.