Кәсіподақ көшбасшыларына арналған семинар-тренинг

ҚР Кәсіподақтар федерациясының «Кәсіподақтар күні» республикалық акциясы аясында Құрылыс кешені және тұрғын үй-коммуналдық шаруашылық қызметкерлері салалық кәсіподағының Қостанай облыстық филиалы кәсіподақ көшбасшыларына арналған екі күндік семинар-тренинг өткізді. Семинар қарағайлы орманда орналасқан «Жайлау» демалыс базасында өтті.

Тренингке қатысушылардың алдында «Қостанай облысының медиаторлар қауымдастығы» ҚҚ медиаторы Игорь Зуев сөз сөйледі, ол іс жүзінде тиімді коммуникациялардың не екенін және даулы жағдайларды қалай шешу керектігін, сондай-ақ қандай стресс жағдайлардың болатынын көрсетті. Көбінесе күнделікті жұмыста бастауыш ұйымдардың төрағалары еңбек дауларын шешуге қатысуы керек, ал кейде даулы мәселені шешу үшін дағдылар мен білім жетіспейді. Мысалдар арқылы қатысушылар қарым-қатынас пен коммуникацияның әртүрлі әдістерін талдады.

Екінші күні кәсіподақ көшбасшылары үшін «Ортақ мақсатқа жету үшін ұйымшыл ұжымды қалыптастыру тәсілі ретінде команда құру» атты тим-билдинг өткізілді. Тренингке қатысушылар корпоративтік рухты арттыруға, командалық жұмыс дағдыларын қалыптастыруға және дамытуға үйренді. Алған білім мен дағдылар төрағаларға олардың қызметінде көмектеседі.