Өмірдің мәніне айналған мамандық

Сергей Дмитриевич Лысоченко — Қарабалық ауданының С. Қожамқұлова атындағы Балалар өнер мектебінің директоры, «Ыбырай Алтынсарин» және «Құрмет» төсбелгілерінің иегері (Астана қаласының Суретшілер Одағы), Қостанай меценаттар клубының «Сельский сподвижник» номинациясы бойынша «Қазына» сыйлығының лауреаты, аудандық мәслихат депутаты, белсенді кәсіподақ қайраткері, республикалық, шығармашылық конкурстар мен фестивальдердің жеңімпазы.

Барлығы осыдан жарты ғасыр бұрын әкесі жас Сергейді музыка мектебіне ертіп келген кезде басталды. Сергей Дмитриевич «алдымен қарсы болдым, бірақ содан кейін, әсіресе музыкалық аспап – баянды сатып алғаннан кейін, әуестеніп кеттім!» деп еске алады.

Челябі музыкалық училищесін бітіргеннен кейін (кейінірек Сергей Дмитриевич Челябі мемлекеттік мәдениет институтын да бітіреді) 19 жасында Комсомол (қазіргі Қарабалық) ауданының балалар өнер мектебіне жолдамамен мұғалім болып орналасады. Мектеп пен ауыл оған өте қатты ұнады, сонымен қатар «Пионер»ансамблінің солисті Елена баурап алды. Сол кезден бастап кырық жыл бойы олар музыкада да, өмірде де бірге келе жатыр.

1990 жылы Сергей Дмитриевич Балалар өнер мектебінің директоры болып тағайындалып, осы күнге дейін қызметін атқарып келеді.

Шебер әкімші, талантты педагог, орыс халық аспаптары балалар оркестрінің жетекшісі болған Сергей Дмитриевич «Забытые мелодии» шығармашылық ұжымының ұйымдастырушысы және көркемдік жетекшісі, сондай-ақ авторлық әндер орындайды. Ансамбль отыз жылдан астам уақыт бойы ауданның визит карточкасы болып саналады.

Сергей Дмитриевичтің өмірінде күнделікті өмір жоқ. Өйткені, ол бір кездері «жан шуағы үшін» таңдаған сүйікті ісімен айналысады, ол тек мамандық емес, өмірдің мәні болды.