Өз ісінің шебері

Халық даналығында «Еңбегі көптің өнбегі көп». Айдарымыздың кейіпкері Калякин Константин Евгеньевич, «Тобыл» мемлекеттік коммуналдық кәсіпорнының коммуналдық желілер шебері.

2007 жылы ол кәсіпорынға жас маман ретінде келді. Өзінің білімі мен өндірістік дағдыларын жетілдіре отырып, ол жұмысқа тез үйренді. Жұмыс барысында ол тәжірибесі мол адамдардан тәлім алып, көшбасшыға тән қасиеттерді көрсетіп, кез келген істе бастамашылық жасады.

Қысқа уақыт ішінде ол өзін сауатты, тәртіпті және жауапты қызметкер ретінде көрсете алды. Жұмыстағы алғашқы күндерінен бастап бастауыш кәсіподақ ұйымына мүше болды. Персоналды жақсы басқарады, өндірістік тапсырмаларды уақытылы орындап, қарамағындағы адамдардың мүдделері мен құқықтарын қорғай біледі.

2020 жылы Константин Евгеньевич Тобыл кентінде ғана емес, жақын маңдағы ауылдарда да сумен жабдықтау қызметінің бастығы болып тағайындалды. Жұмыс көлемі ұлғайды, бірақ ол технологиялық процестерді іскерлікпен басқарады, өндірісті ұйымдастыруды жетілдірді, су шаруашылығы жүйесінің қызмет көрсету сапасын арттырды.

Кәсіподақтың басшысы және мүшесі ретінде ол еңбекті қорғауға және учаскедегі қауіпсіз еңбек жағдайларын сақтауға көп көңіл бөледі.

Константин Евгеньевич 49 жасында ұжым үшін, әсіресе жастар үшін еңбекқорлық пен табандылықтың үлгісі болып табылады.