Заң клиникасы кеңес береді

«Қостанай облысының Кәсіподақ орталығы» АКБ заң клиникасына 1970 жылы туған азамат О.М. жүгінді, ол Қостанай ірі теміржол компаниясының бұрынғы қызметкері. Ол буксты жонып өңдеу бойынша слесарь болып жұмыс істеді. Еңбек биржасында тіркелген. Ағымдағы жылдың қыркүйегінде өз бастамасы бойынша еңбек шартын бұзуға «мәжбүр болды». Жұмыс беруші оны тұрақты негізде вагонның ауыр дөңгелектерін түсіруге жіберетін, бірақ басқа жұмысты орындағаны үшін өтемақы төлемеді.

Қызметкер бірнеше рет жұмыс берушіге жүгініп, қосымша ақы талап етті, бірақ жұмыс беруші әңгіме барысында қызметкер өз еркімен жұмыстан шықпаса, ол бап бойынша жұмыстан шығаратынын түсіндірді. Нәтижесінде, тұрақты психологиялық қысым көрсеткен соң азамат О.М. өз еркімен жұмыстан шығуға өтініш жазды.

Бұрынғы лауазымына қайта орналасу мүмкін бе?

Дүйсембі Қарабаев, заң клиникасының басшысы азамат О.М-ның қалай әрекет етуге болатынын түсіндірді .

Еңбек кодексінің 159 — бабының 1-тармағына сәйкес ол кәсіпорынның келісім комиссиясына жүгінуі керек, өйткені бұл жеке еңбек дауы. Егер келісім комиссиясы дауды шешпесе, келесі қадам — сот арқылы қорғау.

Алайда, бұл жағдайда сотта оған көрсетілген қысымға байланысты еңбек шартын бұзғанын дәлелдеу қиын болады, өйткені еңбек шартын өз еркімен бұзу туралы өтініш бар. Сотта мәжбүрлеп жұмыстан босату туралы дәлелдер мен куәгерлер қажет. Соңғы үкімді сот шығарады.