Адал азамат – Адал еңбек» ИСМАГУЛОВ АНАТОЛИЙ АСҚАРҰЛЫ  

«Кәсіби әскерилендірілген авариялық-құтқару қызметтерінің республикалық орталық штабы» ЖШС Солтүстік Қазақстан филиалы Қостанай отряды Рудный өрт сөндіру бөлімінің өрт сөндірушісі. Тау-кен өнеркәсібі кәсіпорындарындағы аварияларды жою бойынша жұмыс қиын, қауіпті.

Анатолий Асқарұлы әскери адам, тәртіп бойынша жұмыс істейтін өте жауапты, жинақы. Оның тәлімгері Рудный өрт сөндіру бөлімінің бастығы Сергей Юрьевич Макаров «Жас, батыл жігіт, жалындап тұрған, ұжымда аға ұрпақтың құрметіне ие болды» дейді.

Биыл Анатолий Асқарұлы «Еңбек жолы» республикалық конкурсына қатысып, «Өндірістің үздік жас қызметкері» номинациясы бойынша 1 орын алып, конкурстың республикалық кезеңіне өтіп, 2 орын иеленді.

Анатолий Асқарұлына жұмыста мүмкіндігінше аз қиындық, амандық тілейміз.