«Қызмет» салалық кәсіподағының Қостанай облыстық филиалы өзінің белсенді кәсіподақ мүшелері туралы мақтанышпен айтады, еңбек етіп, таңдаған ісіне адал адамдардың жетістіктерімен бөліседі. Бүгін біз сіздермен өмірін балаларға қызмет етуге, қамқорлықты, сүйіспеншілікті қажет ететін ерекше балалардың өміріне арнаған әйелдің, адамның ғұмырына шолу жасаймыз.

Лайла Оразқызы Карпыкова «Қостанай арнайы әлеуметтік қызметтер көрсету балалар орталығы» КММ-де (ақыл-есі кем мүгедек балаларға арналған) 2009 жылдан бастап әдіскер-тәрбиеші болып жұмыс істейді, түзеу педагогикасының қыр-сырын білетін педагог, білікті маман. Көптеген жылдар бойы «Өрлеу» біліктілікті арттыру ұлттық орталығы» акционерлік қоғамының Қостанай облысы бойынша ПҚ Кәсіби даму институты» филиалының «Start» академиялық орталығы» білім беру ұйымының штаттан тыс дәріскері болып табылады. Лайла Оразқызы белсенді өмірлік ұстанымы бар адам, әрдайым және барлық жерде балаларды және еңбек ететін жастарды тәрбиелеуде шығармашылық көзқараспен дамытуға ұмтылады. Көптеген жылдар бойы жас мамандарға қамқорлық көрсетеді, оларға мамандықтың негіздерін игеруге көмектеседі, білімдерін жетілдіруге тырысады, бастамаларды көтеруге, қиындықтардан қорықпауды үйретеді. Жиған-терген білімін, кәсіби тәжірибесін қуана бөліседі, орталықтың мәдени-бұқаралық іс-шараларын ұйымдастыруға және өткізуге белсенді қатысады, оның және тәрбиеленушілерінің қатысуынсыз бірде-бір іс-шара өтпейді.

Көп жылғы және жемісті еңбегі үшін Лайла Оразқызы бірнеше рет Алғыс хаттармен, барлық дәрежелі грамоталармен марапатталды, оның қоржынында медальдар да бар, әлеуметтік қорғау жүйесіндегі «Қазақстан Республикасының үздік маманы» атағына ие. Еңбек күні қарсаңында 2023 жылғы 21 қыркүйекте «Еңбек жолы» республикалық байқауының өңірлік кезеңінің нәтижелері бойынша Лайла Оразқызына «Жұмыс істейтін жастардың үздік тәлімгері» номинациясы бойынша «Қостанай облысының Кәсіподақ орталығы» АКБ төрағасы Ирина Аронованың қолынан лайықты марапат табысталды.

«ССКБӨБ» АҚ, «Қашар рудасы» АҚ, «Алюминий Казахстана» акционерлік қоғамы филиалы- Краснооктябрь боксит кеніш басқармасы (КБКБ), «Өркен» ЖШС, «ТРАНСРЕМВАГОН» ЖШС кәсіпорындарында облыстық «QAZAQMETAL KÁSIPODAǴY» ұйымының кәсіподақ ұйымдарының кәсіподақ комитеттері Еңбек күніне орай іс-шаралар өткізді.

Сондай-ақ цехтарда жиналыстар өтті, онда салтанатты жағдайда жұмыс берушілер мен кәсіподақ комитеттері наградтауға ұсынған 13 қызметкерге «Еңбек ардагері» («Ветеран труда») салааралық медальдары табыс етілді. Кәсіподақ комитеттерінің төрағалары қызметкерлермен ауысымдық кездесулерде БПҰ мүшелерін ұжымдық шарттардың талаптарының орындалуы, жұмыс берушілермен еңбек жағдайлары мен өндірістік тұрмысты жақсартуға бағытталған мәселелерді шешу бойынша қабылданатын шаралар туралы хабардар етті.

Кәсіптің әлеуметтік маңыздылығын арттыру, кәсіби дағдылар шеңберін кеңейту, кәсіби ойлауды дамыту, тау-кен теміржол көлігі цехында және бұрғылап-жару цехында шығармашылық қабілеттерін жетілдіру мақсатында «Мамандық бойынша қызметкер» атағына конкурстар өтті. Тартушы агрегат машинисінің көмекшілері мен жарушылар өз кәсіби шеберліктерін көрсетті.

Өткізілетін іс-шаралар мен конкурстардың барлық қатысушылары ақшалай сыйлықтармен марапатталды.

Өмірде әртүрлі мамандық бар. Олардың кейбіреуі беделді болып саналады. Бірақ, барлық адам банкир, экономист және продюсер ретінде жұмыс істей алмайды. Қарапайым жұмысшыларсыз өнімді жұмыс істеу мүмкін емес.

Бүгін «Еңбек адамы» айдарында «Қазақстан темір жолы» ҰК» АҚ филиалы – «Қостанай магистральдық желі бөлімшесі» Құсмұрын жол қашықтығы жол машиналары мен механизмдерін реттеуші Владимир Иванович Апанасик туралы бірер сөз айтылады.

Теміржол көлігінде қозғалыстың қалыпты жұмыс істеуін, жылжымалы құрамның қауіпсіздігін қамтамасыз ететін адамдар қатарында маңызды буындардың бірі машиналар мен механизмдерді реттеушілер болып табылады. Владимир Иванович 25 жылдан астам уақыт бойы гидравликалық және бұрандалы домкраттарды, гидравликалық рихтшыларды, электр шпал нығыздағыштарды, электр станцияларын жөндеумен айналысады, жол жабдықтылығы оның жұмысына байланысты.

Әріптестердің айтуынша ол өз жұмысына адал, тиянақты, қойылған міндеттерді тез орындайды. Жұмыс істеген уақытта жинақталған білім мен тәжірибені пайдалануға тырысады, үнемі біліктілігін арттырады. Ұжымда лайықты бедел мен құрметке ие.

Мінсіз еңбегі үшін бірнеше рет бағалы сыйлықтармен және грамоталармен марапатталды.

Владимир Иванович белсенді өмірлік ұстанымды ұстанады, ұжымның қоғамдық және кәсіподақ өміріне қатысады.

Қиындықтардан қорықпау, кез – келген жұмысты ынта-жігермен қабылдау және істі соңына дейін жеткізу Владимир Ивановичке тән қасиеттер.

Керемет отағасы, үш қыздың керемет әкесі және немерелерінің керемет атасы.