#КачарыРуда геотехниктерінің жұмысына DJI Mavic 3 Enterprise дроны енгізілді.

Заманауи ұшқышсыз аппарат карьер борттары мен үйінділерді жедел тексеруге мүмкіндік береді, жарықшақтарды, деформацияларды және басқа да ықтимал қауіптерді ерте кезеңде анықтайды.

#КачарыРуда бас геотехнигі Денис Менгельдің айтуынша, мамандардың негізгі міндеті — тау-кен жұмыстарын қауіпсіз жүргізуді және қорларды тиімді игеруді қамтамасыз ету. Дронды қолдану фотограмметриялық түсірілім жүргізіп, кен орнындағы үш өлшемді геотехникалық модель құру үшін нақты деректер алуға мүмкіндік береді. Бұл модельдеу жүргізуге, кинематикалық талдау жасауға және карьер борттарының тұрақтылығын болжауға жол ашады.

Жаңа технология күнделікті жұмыстың бір бөлігіне айналды. Деректер көбірек, дәлдік жоғары және карьердің әрбір учаскесіндегі қауіпсіздікке сенім арта түсті.

Көпшілік: «студент болсаң, құқық аз» деп ойлайды. Бірақ бұл дұрыс емес. Қазақстан Республикасының Еңбек кодексінде «тағылымдама» деген ұғым мүлде жоқ.

Яғни, «тағылымдама» деп аталатын нәрсе — не оқу практикасы, не толыққанды жұмыс.

Егер бұл оқу орнынан берілетін практика болса, әдетте білім беру ұйымы мен мекеме арасында келісімшарт болады. Мұндай жағдайда студент қызметкер болып саналмайды және жалақы төлеу міндетті емес. Бірақ берілетін тапсырмалар оқуымен байланысты болуы тиіс — сізді тегін жұмыс күші ретінде пайдалануға болмайды.

Ал егер жұмыс кестесі болса, қызметкер сияқты міндеттер жүктелсе және нәтижені талап етсе — бұл жұмыс. Ондай жағдайда жұмыс беруші еңбек шартын жасасуға және жалақы төлеуге міндетті.

Ең жиі кездесетін бұзушылық — «ақысыз тағылымдама» шын мәнінде кәдімгі жұмысқа айналып кетуі. Шартсыз, төлемсіз, толық жүктемемен.

Өзіңізге қоятын басты сұрақ: сіз қазір оқып жүрсіз бе, әлде жұмыс істеп жүрсіз бе? Егер екіншісі болса — сіздің еңбек құқықтарыңыз бар. Оларды білу маңызды.