ЕҢБЕК ДАУЫН ҚАРАУҒА ӨТІНІШ БЕРУ ҮШІН ҚАНДАЙ МЕРЗІМДЕР БЕЛГІЛЕНГЕН

Қазақстан Республикасының Еңбек кодексінің 160-бабына сәйкес мынадай мерзімдер белгіленеді:

жұмысқа қайта алу туралы даулар бойынша – еңбек шартын тоқтату туралы жұмыс беруші актісінің көшірмесі келісу комиссиясына табыс етілген немесе табыс етілгені туралы хабарламасы бар тапсырысты хатпен пошта арқылы жіберілген күннен бастап бір ай;

сотқа жүгіну үшін – реттелмеген даулар бойынша жүгінген кезде не еңбек шарты тарапы келісу комиссиясының шешімін орындамаған кезде келісу комиссиясы шешімінің көшірмесі табыс етілген немесе табыс етілгені туралы хабарламасы бар тапсырысты хатпен пошта арқылы жіберілген күннен бастап екі ай;

басқа еңбек даулары бойынша – жұмыскер немесе жұмыс беруші өз құқығының бұзылғаны туралы білген немесе білуге тиіс күннен бастап бір жыл.

Жеке еңбек дауларын қарау бойынша жүгіну мерзімінің өтуі қаралып жатқан еңбек дауы бойынша медиация туралы шарттың қолданылу кезеңінде, сондай-ақ келісу комиссиясы болмаған жағдайда, ол құрылғанға дейін тоқтатыла тұрады.

Осы Кодекске сәйкес жеке еңбек дауларын қарау бойынша келісу комиссиясына жүгінбей, сотқа жүгінуге құқығы бар еңбек қатынастарына қатысушылар үшін мынадай мерзімдер белгіленеді:

жұмысқа қайта алу туралы даулар бойынша – еңбек шартын тоқтату туралы жұмыс беруші актісінің көшірмесі табыс етілген немесе табыс етілгені туралы хабарламасы бар тапсырысты хатпен пошта арқылы жіберілген күннен бастап үш ай;

басқа еңбек даулары бойынша – жұмыскер, оның ішінде бұрын еңбек қатынастарында болған жұмыскер өз құқығының бұзылғаны туралы білген немесе білуге тиіс болған күннен бастап бір жыл.

Биылғы жылдың 29 наурызында әлеуметтік әріптестік және әлеуметтік және еңбек қатынастарын реттеу жөніндегі қалалық үшжақты комиссияның кезекті отырысы өтті. Отырыста екі мәселе қаралды:

1) Қостанай қаласында өндірістік жарақаттанудың жай-күйі туралы;

2) Халықты міндетті әлеуметтік медициналық сақтандыру жүйесіне тарту жөнінде жүргізілетін жұмыс туралы.

Комиссияға өндірістік жарақаттану жағдайлары болған кәсіпорындардың басшылары шақырылды және тыңдалды.

Жалпы, 2021 жылы Қостанай қаласының кәсіпорындары мен ұйымдарында 51 жазатайым оқиға орын алды. 2020 жылмен салыстырғанда жазатайым оқиғалар саны 22 фактіге немесе 43,1 %-ға төмендеді (2020 жылы – 73 оқиға). Зардап шеккендердің саны да 74-тен 53 қызметкерге азайды. Өліммен аяқталған 2 жазатайым оқиға орын алды (2020 жылы – 5 жағдай).

Еңбек қауіпсіздігі және еңбекті қорғау мәселелері қалалық үшжақты комиссияда жүйелі түрде қаралады. Өндірістік жарақаттану деңгейін төмендету және жұмыс орындарындағы еңбек жағдайларын жақсарту мақсатында жұмыс берушілермен ақпараттық-түсіндіру жұмыстары тұрақты жүргізіледі.

«Ауыл шаруашылығы қызметкерлерінің салалық кәсіптік одағы» қоғамдық бірлестігінің Қостанай облысы бойынша филиалының төрайымы Зәуре Жұмабекованың Қостанай ауданының «Шеминовка» ЖШС кәсіподақ комитетінің мүшелерімен кездесуі өтті. Кездесуге бастапқы кәсіподақ ұйымының төрағасы мен кәсіподақ белсенділері қатысты.

Кездесу барысында кәсіподақ төрайымы Наталья Мельник 2021 жыл ішінде кәсіподақ комитетінің атқарған жұмысы мен 2022 жылға арналған алдағы міндеттер туралы баяндады. Ол кәсіподақ мүшелеріне келісу комиссиясының, еңбек қауіпсіздігі мен еңбекті қорғау жөніндегі өндірістік кеңесінің жұмысы, еңбекті қорғау жөніндегі техникалық инспектордың жұмысы мен кәсіподақ жарналарының жұмсалуы мен кәсіподақ жобалары туралы толық баяндады.

Кәсіподақ комитетінің мүшелері алдында ЖШС-ға жаңадан қабылданған қызметкерлерді қатарға тарту, еңбек қауіпсіздігі және еңбекті қорғау мәселелері, кәсіподақ мүшелерін әлеуметтік қолдауды күшейту мақсатында жұмыс беруші мен кәсіподақ комитеті арасында жасалған қолданыстағы ұжымдық шартқа өзгерістер енгізу бойынша барлық кәсіподақ активінің жұмысын жандандыру бойынша міндеттер қойылды.

Кездесуге қатысушылар кәсіподақ комитеті жұмысының ұйымдастырылуын жақсарту бойынша бірқатар мәселелерді көтерді. Барлық қойылған сұрақтарға жауап мен ұсынымдар берілді.